PESTA BEBEK GORENG

image

Kodir moleh nang omahe Simbah kate njupok sepatu sing mari dituku mingu wingi. Pas tekan kok Simbah nembe mangan bebek goreng. Kodir sueneng pol. Rejeki nomplok batine.

SIMBAH: “Weh kene Dir. Iki onok bebek goreng wenak nemen. Sambel plencit e pedes banget. Onok wong ideran, kok enak. Warmin wes mangan uakeh.”

KODIR: “Siap Mbah. Aku butuh energi akeh iki. Mene wawancara kerjoan.”

Kodir langsong njupok piring, diisi kebak sego anget, njamel dodo mentok bebek. Mangan klenyap-klenyap ngantek rong porsi.

KODIR: “Wejoss mbrodolll Mbah…wenakkk! Aku tak njupuk sepatu!”

Kodir mlebu kamare. Rodok suwe. Dekne gak nemu sepatune. Kodir mbengok.

KODIR: “Mbahh…sepatuku nangdi yo? Kok gak enek. Sepatu anyar kate tak gawe mene wawancara kerjo…”

Simbah nyahut seko ruang tamu.

SIMBAH: “Sepatu opo’o ta Dir….?”

KODIR: “Sepatuku sing anyar Mbah. Pantofel, ireng. onok logo bintange.”

SIMBAH: “Sing enek jenggele sitik?”

KODIR: “Yes bener Mbah…endi Mbah? Iki penting, tuku nabung setaon aku cek pas wawancara kerjo lancar!”

Simbah gak nyahuti. Kodir bolak-balik mbengoki gak disahuti Simbah. Batine Kodir, mesti keturon Simbah! Kodir mlaku nang ruang tamu. Sepi. Simbah jebule wes ngontel sepedae, ngebut.

KODIR: “Mbah…malah pit-pitan…Hoiiii Mbahhh!”

Kodir noleh nang mejo onok kertas. Tulisane:

“DIR SEPATUMU WES DADI BEBEK. TAK IJOLNO BEBEK IDERAN MAU IKU, SING WES DIPANGAN BARENGAN. AKU TAK LUNGO SIK. OJOK DIGOLEKI”

Kodir ngremes kertas tulisane Simbah.

KODIR: “Fakyu Mbah….”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s